- Artist: Sylvestre NSENGIMANA
- Audio Producer: Teric (Success Studio)
- Director of Photography: Emmy K
- Video Director: Sylvestre NSENGIMANA
__________________________________________________________________
Connect with Sylvestre NSENGIMANA:
- FACEBOOK:
/ nsengimana.s. .
- INSTAGRAM:
/ silvarwanda
- TWITTER:
/ silvarwanda
#rwandanpoetry #poetry #spokenwordpoetry #rwanda #visitrwanda #africa #women #rwandanwomen
Lyrics:
Iby’ubu byinshi biza nk’imigani biducenga,
Bikaducoca biducunga ngo tutabicogoza tukabicanga.
Biducurika mu micuko dushaje,
Bikaducumita amacumu acanye mu bwonko,
Tukayoboka twese tukaba indembe,
Tukibagirwa ibyiza Rurema yahanze,
Nyobora ku idembe muhundwangendo.
Nkubonye mu bandi bari b’ino
Nkubonamo zahabu irenze vino.
Mbonye utantamaza ngushinze ibanga,
Mbonye wanyibutsa urukundo rwa Gihanga,
Mbonye urenze sireyi kwini urenze iby’ubu
Urenze ab’ubu,
Cyono nyobora ku idembe muhundwangendo.
Nyobora rwose nende ibyano
Nsusurutsa nsingize inseko yawe
Unsukire amata unsomye numve
Unsasire ubususurutsa bwizihira abatware
Nkurate ingendo ngushime intaho
Ngaho shenge nyobora ku idembe muhundwangendo.
Mu basore b’ubu basa bose nasa ukwange,
Dore ko mubajora ubusembwa ngo barasamara;
Ngo ntibakunda bareba itoto,
Ngo ntibatunze babunza itiku, bakubikira abeza,
Gusa wansanga wasanga ntari nkabo,
Wowe nyobora ku idembe muhundwangendo.
Hahirwa uwo wonse n’iminwa yawe,
Mba numva iyo mba iryo bere wahoraga wonka,
Ukampozaho iyo minwa yawe,
Nkayireba nkayumva rwose,
Kuko iminwa yawe ituma numva mbishaka.
Ndavuga ko ituma numva nshaka kukumva
Amagambo yawe yuje ubwenge bwinshi
Amagambo yawe yuje impanuro
Ijwi ryawe ni igisigo kinsusurutsa nije
Si ukubeshya rwose utuma mbishaka byose
Wowe nyobora ku idembe muhundwangendo.
Abo mubana nibo babizi,
Ngo urabizihira bikaba ibindi,
Ugakunda bose, ugashishoza cyane,
Ibiguruka ntibigukange rwose,
Nyamara si ukubeshya urenze ab’ubu bose.
Ngo ab’ubu babona ujabiriyemo ukuntu
Iyo misatsi yawe ya natireere ni ubuturesi
Imyambarire yawe ntihwitse bino bita hiti
Ngo ubwo bwiza bwawe iyo buza kuba ubwabo
Kuko nta na ka mukesha wisiiga
Gusa iyaba bari bazi uburyo nkwifuza.
Bakamenya amajoro ndara nsenga ngo uzabe uwanjye
Abana bacu ubahe imico yawe
Ibaze imfura yacu ifite inseko yawe
Mu rusisiro hose tujyana njye nawe
Ndwaye naguhamagara uti ndaje muganji mwiza
Mu gitaramo duseruka njye nawe
Ukaba umutima w’urugo rwacu.
Nyumvira ngo ndarota nanjye
Nkubu ntewe n’iki kandi
Ko nkubonye utambuka intekerezo zikajya ahandi!
Erega n’ubundi ndanagukunda,
Nubwo ntavuga nashushanya,
Umunsi ni umwe ukaza iwanjye,
Urugo rwacu ukarutuza, urukundo rukaganza,
Umuryango wacu ukaba intangarugero hose,
Ubu icyo nkwisabira ni kimwe shenge,
Nyobora ku idembe muhundwangendo.
© Sylvestre NSENGIMANA 2022
Негізгі бет Ойын-сауық Sylvestre NSENGIMANA - Nyobora Ku Idembe (Official Video 2022)
Пікірлер: 22