Қалдықты қазынаға айналдырып, қоқысты кәдеге жаратуды жаңғыртуды қолға алған қазақстандық алғашқы компания Ордабасыда орналасқан.
Түркістан облысының Инвестиция және экспорт басқармасымен «Түркістан Инвест» компаниясы сүйемелдеуіндегі облыстағы жұмысы қарқынды жүріп жатқан инвестициялық жобалардың бірі «GREEN TECHNOLOGY INDUSTRIES» компаниясы.
Ордабасы ауданы, Бадам ауылында орналасқан «GREEN TECHNOLOGY INDUSTRIES» ЖШС пластмасса қаптамалар қалдықтарын қайта өңдеу арқылы аймақта кәсіпкерліктің көкжиегін кеңейтіп келеді.
Қазақстанның түкпір-түкпірінен пластмас құтыларын қабылдау арқылы таңқаларлық дүние жасауда. Айталық, тығыздалған пластмас қалдықтарын келісіне 150-170 теңгеден қабылдап, флекс өнімін шығарады. Қалдықты өңдеу 3 сатыдан тұрады. Бірінші майдалап, ұсақ қалыпқа келтіріледі. Одан кейін, ыстық және мұздай суда жуылып, толыққанды тазартылады. Ал ең соңғы этапта кептіру жұмыстары жүргізіледі.
Зауыт орта есеппен алғанда тәулігіне 22 тонна пластмасса өңдеуге қауқарлы. Дайын өнім қазіргі таңда тікелей Ресей мемлекетіне экспортталуда.
Қазақстанда жыл сайын 5-6 миллион тонна қатты тұрмыстық қалдықтар жиналады. Оның шамамен 150-200 мың тоннасы ПЭТ болып табылады. Олар 3% -дан 5% -ға дейін, әртүрлі бағалаулар бойынша, қайта өңделеді.
Кәсіпорынның құрылысы 2016 жылы басталып, бастапқыда 60 адам жұмыспен қамтылды. Жобаның құрылысы танымал шетелдік «HongKong Tianrun Co ... LTD» компаниясымен, облыс әкімдігімен және «Green Technology Industries» ірі өндірістік компаниясымен бірлесіп жүргізілді. «GREEN TECHNOLOGY INDUSTRIES» ЖШС атқарушы директорының сөзінше бұл жоба құны 6 млрд 800 млн теңгені құрайды. Мекеме 300-400 адамды жұмыспен қамтамасыз етуге қауқарлы, ал қазіргі таңда 100-ге тарта адам еңбек етуде.
Негізгі бет ТҮРКІСТАН ОБЛЫСЫНДА ПОЛИЭТИЛЕН ӨНІМДЕРІН ӨҢДЕЙТІН АЛҒАШҚЫ ЗАУЫТ
Пікірлер