18-05-2024 series of lectures 1-62,63,64th shloka in KANNADA on Vedanthadindima authored by Shri Shri Nrusimha Teertha by Our Rev Guruji VEDANTHA CHAKRAVARTI MahamahOpadhyaya Dr.K.G.Subraya Sharmaji , which is a concentrated tonic in Vedantha. song done by Kannada Shankara SriSri Satchidanandendra saraswathi Swamiji of Holenarasipur - Song sung by Chitradurga sanjeeva murthy, under the able guidance of Ubhayagaana Vidushi Dr. Shyamala G Bhave, Description- Sri K SUBRAMANYA SHASTRIJI, Flute Vid.K.S.Rajesh, Key Board Vid. B.V.Srinivas, Sitar, Vid. H.P.Srinivasan, Tabala- Vid. Rajendra Nakod and Rythmpad Vid. Jerald. Originally Recorded , edited and published by chitradurga sanjeeva murthy, ALL RIGHTS RESERVED, casmurthy@gmail.com, www.kgssharma.in and kgssharmaa.in
ವೇದಾಂತ ಪ್ರಿಯರಿಗಾಗಿ 18-05-2024 ಪೂಜ್ಯ ಶ್ರೀ ನೃಸಿಂಹತೀರ್ಥರಿಂದ ರಚಿಸಲ್ಪಟ್ಟಿರುವ 1 - 62,63,64th shloka , ಒಂದು ವೇದಾಂತಸಾರದ ಕೃತಿರತ್ನ "ವೇದಾಂತಡಿಂಡಿಮ" ವನ್ನು ಕುರಿತು ಪೂಜ್ಯ ಗುರುವರ್ಯರಾದ ವೇದಬ್ರಹ್ಮಶ್ರೀ ಮಹಾಮಹೋಪಾಧ್ಯಾಯ ಡಾ. ಕೆ.ಜಿ.ಸುಬ್ರಾಯಶರ್ಮರಿಂದ ಪ್ರವಚನಮಾಲಿಕೆ ಅನೇಕ ಜಿಜ್ಞಾಸುಜನಗಳ ಕೋರಿಕೆಯಮೇರೆಗೆ ಅಚ್ಚ ಸ್ವಚ್ಛ ಕನ್ನಡದಲ್ಲಿ ಪ್ರವಚನಮಾಲಿಕೆಯು ಪ್ರಾರಂಭಿಸಲ್ಪಟ್ಟಿದೆ. ವೇದಾಂತಾಚಾರ್ಯರೂ, ಅಧ್ಯಾತ್ಮವಿದ್ಯಾ ಪ್ರವೀಣರೂ, ಸಂಚಾರೀ ವೇದಾಂತ ಕೋಶವೆಂದು, ಭುವಿವೇದಾಂತೈಕ ಶ್ರೇಷ್ಠನಿಷ್ಠ ಇತ್ಯಾದಿ ಅನೇಕ ಬಿರುದಾಂಕಿತರೂ ಆದ ವೇದಬ್ರಹ್ಮಶ್ರೀ ವಿದ್ವಾನ್ ಡಾ. ಕೆ.ಜಿ ಸುಬ್ರಾಯಶರ್ಮಾಜಿ ಯವರಿಂದ ಉಪನ್ಯಾಸಮಾಲಿಕೆ ಪ್ರಾರಂಭಗೊಂಡಿದೆ. ಪ್ರಾತಃಸ್ಮರಣೀಯರೂ, ಜ್ಞಾನಚಕ್ರವರ್ತಿಗಳೂ, ಆದರ್ಶ ಸಂನ್ಯಾಸಿಗಳೂ, ಬ್ರಹ್ಮನಿಷ್ಠರೂ ಆದ ಕರ್ನಾಟಕ ಶಂಕರರೆಂದೇ ಪ್ರಖ್ಯಾತರಾದ ಹೊಳೆನರಸೀಪುರದ ಶ್ರೀ ಶ್ರೀ ಸಚ್ಚಿದಾನಂದೇಂದ್ರ ಸರಸ್ವತೀ ಸದ್ಗುರುಗಳಬಳಿ ಹದಿನಾರು ವರ್ಷಗಳಕಾಲ ಅಖಂಡಸೇವೆ ಮಾಡುತ್ತಾ ಆದರ್ಶ ಅಂತೇವಾಸಿ ಶಿಷ್ಯರಾಗಿದ್ದು ಈವರೆಗೂ ಸುಮಾರು ಒಂದುಲಕ್ಷಕ್ಕೂ ಮೀರಿ ಸಂಸ್ಕೃತ, ಕನ್ನಡ ಹಾಗೂ ಇಂಗ್ಲಿಷ್ ಭಾಷೆಗಳಲ್ಲಿ ಪ್ರಪಂಚದ ಎಲ್ಲಕಡೆಗಳಲ್ಲೂ ಪರಿಶುದ್ಧ ಶಾಂಕರ ಪ್ರಸ್ಥಾನತ್ರಯ ಭಾಷ್ಯಗಳನ್ನು ಹರಡುತ್ತಾ ಜೊತೆ ಜೊತೆಗೇ ಇಂದಿನವರೆಗೂ ೧೫೦ಕ್ಕೂ ಹೆಚ್ಚು ವೇದಾಂತಗಳಲ್ಲಿನ ಅಪೂರ್ವ ವಿಷಯಗಳ ಬಗ್ಗೆ ಗ್ರಂಥಗಳನ್ನೂ ಹಾಗೂ ೬ ಸಂವತ್ಸರಗಳ ಗ್ರಂಥವನ್ನೂ ರಚಿಸಿ ಲಕ್ಷಾಂತರ ಜಿಜ್ಞಾಸು ಜನಗಳಿಗೆ ಮಹದುಪಕಾರ ಮಾಡುತ್ತಿದ್ದಾರೆ. ಪ್ರಪಂಚದಲ್ಲಿ ಯಾರೂ ಮಾಡಿರದ ಇವರ ಪ್ರಸ್ಥಾನತ್ರಯಗಳ ಶಾಂಕರ ಭಾಷ್ಯಸಮೇತವಾದ ಉಪನ್ಯಾಸದ ಧ್ವನಿ ಮುದ್ರಿಕೆಗಳೂ ಲಭ್ಯವಿದೆ.
ಇಂದಿಗೂ ತಮ್ಮ ಇಳಿವಯಸ್ಸಿನಲ್ಲಿಯೂ ಕೊಂಚವೂ ವಿಚಲಿತರಾಗದೆ ಪ್ರತಿನಿತ್ಯ ಸತತವಾಗಿ , ನಿಃಸ್ವಾರ್ಥವಾಗಿ ತಮ್ಮ ಗುರುಗಳಿಂದ ಪ್ರೇರೇಪಿಸಲ್ಪಟ್ಟು ಪ್ರವಚನ ಸೇವೆಯನ್ನು ಮಾಡುತ್ತ ಅನೇಕ ವೇದಾಂತ ಆಸಕ್ತರನ್ನು ಸಾಧಕರನ್ನಾಗಿಯೂ, ಜಿಜ್ಞಾಸುಗಳನ್ನ ಮುಮುಕ್ಷುಗಳನ್ನಾಗಿಯೂ, ಮುಮುಕ್ಷುಗಳನ್ನು ಮುಕ್ತರನ್ನಾಗಿಯೂ ಮಾಡಿ ಮಾನವ ಜನ್ಮದ ಸಾರ್ಥಕತೆಗೆ ಕಾರಣರಾಗಿದ್ದಾರೆ.
ನಮ್ಮೆಲ್ಲರಿಗೂ ಅಂದರೆ, ಅವರ ಸರಳ, ಅನುಭವಪೂರಿತ ಪ್ರಾಸಂಗಿಕ ಉದಾಹರಣೆಗಳೊಂದಿಗೆ ಅನುಗ್ರಹಿಸುವ ಉಪನ್ಯಾಸಗಳನ್ನು ಶ್ರವಣಮಾಡಿದವರೆಲ್ಲರಿಗೂ , ನಾನು ಇಂಥವರ ಶಿಷ್ಯ ಎಂಬ ಗರ್ವ, ಹೆಮ್ಮೆ ಸಹಜ. ಇಷ್ಟಕ್ಕೂ ಕಾರಣ ಪೂಜ್ಯ ಗುರುಗಳು ತಮ್ಮ ಆರಾಧ್ಯದೈವ ಕರ್ನಾಟಕ ಶಂಕರ ಪ.ಪೂ. ಶ್ರೀ ಶ್ರೀ ಸಚ್ಚಿದಾನಂದೇಂದ್ರಸರಸ್ವತೀ ಸ್ವಾಮಿಗಳಿಂದ ಸಂಸ್ಕೃತ, ಇಂಗ್ಲಿಷ್, ವ್ಯಾಕರಣ, ಕಾವ್ಯ, ಪುರಾಣಾದಿಗಳು, ಶಾಂಕರಾದ್ವೈತವೇದಾಂತ, ಮುಂತಾದವುಗಳನ್ನು ಏಕಸಂಧಿಗ್ರಾಹಿಯಾಗಿ, ನಿಷ್ಠೆಯಿಂದ " ಬ್ರಹ್ಮಚಾರೀ ಆಚಾರ್ಯಕುಲವಾಸೀ " ಎಂಬ ಛಾಂದೋಗ್ಯ ನುಡಿಯಂತೆ ೧೬ ವರ್ಷಗಳಕಾಲ ನಿರಂತರ ಗುರುಸೇವೆ, ತಪಸ್ಸುಮಾಡಿದ ಪ್ರತಿಫಲ.
ಇದು ಖಂಡಿತಾ ನಮ್ಮೆಲ್ಲರ ಭಾಗ್ಯ. ಇಂದಿಗೂ ಕೊಂಚವೂ ಆಲಸ್ಯಪಡದೆ ಮಳೆ ಇರಲಿ, ಗಾಳಿಇರಲಿ, ಛಳಿಇರಲಿ ಲೆಕ್ಕಿಸದೆ ಉಪನ್ಯಾಸಕ್ಕೆ ಆಹ್ವಾನಿಸಿದವರೆಲ್ಲರಿಗೂ ಕಿಂಚಿತ್ತೂ ಅವರಿಂದ ಏನನ್ನೂ ಅಪೇಕ್ಷಿಸದೆ, ಕೇವಲ ನಿಮ್ಮ ಕಿವಿ - ಮನಸ್ಸು ಕೊಡಿ ಸಾಕೆಂದು ಪ್ರೀತಿಯಿಂದ , ತಮ್ಮ ಆರೋಗ್ಯವನ್ನೂ ಲೆಕ್ಕಿಸದೆ ( ಕನಿಷ್ಠ ೩, ಹೆಚ್ಚೆಂದರೆ ೧೨ ಕಡೆಗಳಲ್ಲಿ) ದಿನವೂ ಶ್ರಾವಣಿಸಿ ವೀರ ವೇದಾಂತಿಯಾಗಿ ನಡೆದಾಡುವ ವೇದಾಂತ ವಿಶ್ವಕೋಶವಾಗಿದ್ದಾರೆ. ನಮ್ಮ ಗುರುಗಳ ಉಪನ್ಯಾಸ, ಲೇಖನಗಳೇ ಒಂದು ಮಾದರಿ. ಕೇಳುವವರ( ಶ್ರೋತೃಗಳ ) ಕಣ್ಣುಗಳನ್ನೇ ಪರೀಕ್ಷಿಸುತ್ತಾ, ಅವರ ಅಧಿಕಾರಿತ್ವವನ್ನು ಗುರುತಿಸಿ, ತಿಳಿದು, ಅವರಿಗೆ ಯಾವ ಹಂತದಲ್ಲೂ ನಿರಾಸಕ್ತಿ ಬಾರದಂತೆ, ' ಅರ್ಥವಾಯಿತೇ ?' ಅಂತ ಮಧ್ಯೆ ಮಧ್ಯೆ ಕೇಳಿ ; ' ಇಲ್ಲ ನಿಮಗೆ ಅರ್ಥವಾಗಿಲ್ಲ, ಎಲ್ಲಿ ಹೇಳಿ..... ಇನ್ನೊಂದ್ಸಲ ಹೇಳ್ತೇನೆ, ದಯಮಾಡಿ ಗಮನವಿಟ್ಟು ಕೇಳಿ' ಎಂದು ಸ್ವಲ್ಪವೂ ಬೇಜಾರುಮಾಡಿಕೊಳ್ಳದೆ ಶಿಷ್ಯವಾತ್ಸಲ್ಯದಿಂದ ನಮಗೋಸ್ಕರ ಗಂಟಲಿನ ಆಯಾಸವನ್ನೂ ಲೆಕ್ಕಿಸದೆ ಅರ್ಥೈಸುವುದು ಒಂದು ಅಪೂರ್ವ ಕಲೆ. ಪೂಜ್ಯ ಗುರುಗಳ ಬಗ್ಗೆ ಹೇಳುವುದಾದರೆ ಒಂದೇ, ಎರಡೇ ? ಉದಾಹರಣೆಗಳೋ ಅತ್ಯದ್ಭುತ, ಸಮಯೋಚಿತ. ಅಶರೀರತ್ವದ ಸಾಕಾರ ಮೂರ್ತಿ.
ಇನ್ನು ಗ್ರಂಥರಚನೆ, ಶ್ಲೋಕರಚನೆ, ವಾಕ್ಯ ಜೋಡಣೆ, ಮುಂದಾಲೋಚನೆ, ಸಮಯಪಾಲನೆ ಮುಂತಾದವುಗಳಿಗೆ ಅವರೇ ಸಾಠಿ. ಪೂಜ್ಯ ಗುರುಗಳ ಶ್ರೀಮತಿ ಮಾತೃಸ್ವರೂಪಿ ರಾಜೇಶ್ವರೀ ಶರ್ಮರ ಸಹಕಾರಕ್ಕೆ ನಾವೆಲ್ಲರೂ ಆಭಾರಿ. ನಮ್ಮ ಗುರುಗಳು ನೂರ್ಕಾಲ ಆರೋಗ್ಯವಾಗಿ ಬಾಳಲಿ, ಪ್ರವಚನ ಸೇವೆ, ಮಾರ್ಗ ದರ್ಶನ, ನಿರಂತರವಾಗಿ ಮೂಡಿಬರಲಿ ಎಂದು ಭಕ್ತಿಯಿಂದ ಭಗವಂತನಲ್ಲಿ ಬೇಡೋಣ.
ಇವುಗಳ ಉಪಯೋಗವನ್ನು ಪಡೆದು ಎಲ್ಲ ಮನವರೂ ಉದ್ಧಾರವಾಗಲೆಂಬುದೇ ನಮ್ಮ ಗುರಿ. ಶುಭಮಸ್ತು. C.A.SANJEEVA MURTHY, Basavanagudi, Bangalore- 560004, ALL RIGHTS RESERVED.
Негізгі бет VEDANTHADINDIMA 54 ವೇದಾಂತಡಿಂಡಿಮ ಕನ್ನಡದಲ್ಲಿ ಪ್ರವಚನ ವೇದಬ್ರಹ್ಮಶ್ರೀ ಮಹಾಮಹೋಪಾಧ್ಯಾಯ ಡಾ. ಕೆ.ಜಿ.ಸುಬ್ರಾಯಶರ್ಮ
Пікірлер: 1