KALINGA NI MARIA: SENYAL NG KATIYAKAN NG KALIGTASAN!
Tuwing Kapistahan ng Birhen ng Bundok del Carmen ginugunita ang paghahandog ng Mahal na Ina ng Kayumangging Eskapulayo kay San Simon Stock na nagsisilbing simbolo ng pangangangalaga, proteksyon at suporta ni Maria sa Kanyang mga anak upang matiyak ang kanilang kaligtasan.
Bukod sa pagdarasal ng Santo Rosaryo ang debosyon sa Brown Scapular ng Mahal na Birhen at tapat na pagsuot nito ay pinaniniwalaan ng mga Katolikong may kakayanang iligtas sinuman sa apoy ng impiyerno at sa ano mang uri ng panganib alinsunod sa pribilehiiyo ng nasabing kaugalian.
Noong Hulyo 16, 1521 nagpakita ang Mahal na Birhen kay San Simon Stock tangan ang isang telang kayumanngi at nangako: "Ang sinumang papanaw na suot ito ay hindi magdurusa sa walang hanggang apoy. Ito'y siguradong tanda ng kaligtasan sa lahat ng panganib at maasahang pangako ng kapayapaan."
Halos 500 taon na ang nakaraan at marami nang milagrong naitala dahil sa nasabing “Sakamental". Lubos rin ang suporta at paniniwala ng Iglesya sa mga pangakong binitiwan ng Birhen sa mga mga magsusoot nito hanggang kamatayan. Ang Brown Scapular bilang "mantel ng proteksiyon" at “tanda ng lubusang pagtatalaga ng sarili” ay naging sagisag ng pangangalaga ni Maria sa mga Kristiyano. Higit sa mga pangakong taglay nito, ang tapat na paggamit ng eskapularyo ay patalandaan at paalala ng ating pagtatalaga sa Diyos katulad ni Mariang nagsuko ng buong sarili at buhay sa Kanya.
Totoo bang 'di makararanas ng apoy ng impiyerno ang mga magsusuoot ng Brown Scapular? Depende sa taong nagsusuot. Kung ginagamit lamang ang eskapularyo bilang "anting-anting" habang patuloy ang nagsasabit nito sa leeg sa kanyang masamang ugali at buhay marahil hindi matupad ang mga pangako hinggil sa siguradong kaligtasan.
Dapat unawain na ang eskapularyo per se, ay hindi magbibigay ng kaligtasan. Ito ay tanda lamang ng ating debosyon sa Mahal na Birhen na ating kinikilala bilang Ina. Isa lamang itong instrumento ng biyaya ng Diyos. Ayon kay Maria, kalakip ng pagsusuot ng eskapularyo ang walang-bahid-dungis na buhay ayon sa birtud ng nasabing paghahandog ng sarili sa Panginoon. Sa huli, lahat ng nagsusuot nito ay nagiging kasapi ng Pamilya ng Carmel at patuloy na makatatanggap ng grassy sa pamamagitan ni Maria at gayon din sa panalagin at sakripisyo ng ibang mga miyembro.
Mahalagang intindihin ang konteksto kung paano napasa-kamay ni San Simon Stock ang Brown Scapular upang maging mas makatuturan ang debosyon para sa atin. Panahon noon ng kaguluhan at pagkakanya-kanya sa kanyang komunidad. Bilang Father General ng kongregasyon lumapit siya kay Maria at humingi ng tulong bilang 'Tala ng Karagatan' sa ginta ng "bagyong" tinatahak ng kanyang grupo. At hindi nga siya nabigo sa biyaya at mensaheng tinanggap kalakip ang pangakong kaligtasan at kapayapaan.
Para kay San Simon, ang handog na eskapularyo ng Mahal na Ina higit sa lahat ay "espesyal na pabor" tulad ng nakaugaliang proteksiyon ng mga hari sa kanyang nasasakupan. Kapalit ng pagsuko ng sarili ang pribilehiyo ng kaligtasan, kabuhayan at iba pang biyaya ng kaharian. Sa kanyang pag-aalay hiniling ng monghe kay Maria ang naturang "privilegium" para sa kanyang Orden at ang Brown Scapular nga ang naging tugon ng langit. Bilang mga "enrolled" na kasapi ng "Confraternity of Mount Carmel" sa pamamagitan ng "investiture" sa Brown Scapular ibinibigay rin ang nasabing pabor sa lahat ng gagamit nito upang makamit ang kaligtasan.
Sa wakas idinagdag pa ng Mahal na Ina kay San Simon na sa unang Sabado pagkaraan ng ating pagpanaw, bababa siya at hahanguin tayo sa Purgatoryo upang dalhin sa wakas sa langit (Sabbatine Privilege). Talagang ginagawa ng Birhen ang lahat upang makamit natin ang kaligtasan. Gayunman, isa sa mga misteryo ng ating panahon ang waring pagkalimot ng mga pangako ng eskapularyo. Nawa ang tapat nating debosyon sa Mahal na Ina ng Carmel ang magpaalala sa atin higgil sa awa at malasakit ng Panginoong palaging nakaantabay sa pamamagitan ng mahal na ito.
Sa wakas, nais lang po nating idagdag na walang saysay at bisa ang lahat ng ito kung mananatili tayong pasaway. Sa walang-maliw na pagmamahal ng Diyos hangad Niya ang kaligtasan ng lahat ngunit wala Siyang magagawa kung pagkatapos maibigay lahat ng oportunidad at pribilehiyo, ang ating mga kilos at galaw ay patuloy na maghihimatong na tayo ay para sa impiyerno. Sa huli tayo rin mismo ang makapagsasabi kung saan dapat tayo. Santa Maria, ipanalangin mo kaming makasalanan ngayon at kung kami’y mamamatay. Amen.
Негізгі бет WHAT IS THE BROWN SCAPULAR?| TRUE DEVOTION TO OUR LADY OF MT. CARMEL | DOM LORENZO MARIA, SSCV 🌿
Пікірлер: 4