رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
إنت مع النرجسي بتحولي حياتك للعبة قمار ميسر يعني والعياذ بالله ازاي الكلام دة؟ انتي مع النرجسي بالظبط زي إللي بيلعب قمار بيحط فلوسه في المكنة على أساس يكسب وولا مرة بيكسب ولا مرة بياخد فلوس !! طيب ليه بيفضل يلعب؟ ليه الناس إللي بتلعب القمار بتفضل تحط فلوس في مكنة القمار والمكنة تاخد الفلوس وماتديهمش حاجة وهما يفضلو يحطوا أكتر رغم إنهم بيخسروا ليه بيكملوا اللعب رغم الخسائر المتتالية إللي بتحصل لهم؟ الفيديو النهاردة ترجمة لفيديو لدكتور راماني هي بتقول انها حبت تغوص اكتر في موضوع رابطة الصدمة فبتقول ان
العلاقة مع النرجسي هو تأرجح بين الحلو والوحش طيب لما إنت بتفضلي مع النرجسي في علاقة فيها حلو النهاردة ووحش بكرة ، حلو دلوقتي وكمان شوية وحش إنتي بتفضلي دايما عندك أمل إنك تجربي الحلو فتفضلي مستنية وماسكة في العلاقة يعني مثلا لو روحتوا مع بعض حفلة للولاد في المدرسة وهو كان هادي وجميل و مانكدش عليكي أو لو رجع من الشغل يحكي لك عن يومه اواتغدى معاكي في هدوء من غير نكد فإنتي بتبدأي تترجمي إن دي حاجة كويسة وإيجابية وبتتكون عندك ذكريات تعتبريها جميلة ، مع إن بعد شوية وفي نفس اليوم بعد الحفلة مثلا وإنتي مروحة في الطريق ممكن يحرق دمك بكلمتين أو بعد الغدا إللي كان في هدوء يقوم بعد ماياكل وينبسط ويشبع يقوم يزعق على أي حاجة ويتخانق ده بينقلك من حالة العلاقة الطبيعية لحالة العلاقة السامة وده إللي بيعمل لك طبعا رابطة الصدمة ، طيب مع الوقت كمان انتي بعد ماكنتي بتقدري الخروج في حفلة او الغدا برة او العلاقة الحميمة اللي فيها إرضاء لكي كنتي بتشوفي دي حاجات عظيمة عملها لك النرجسي بعدها بتبدأي تشوفي ان مجرد ان اليوم يعدى بسلام من غير خناق وقرف منه فهو يوم مريح وجميل وعقلك يبدأ يترجم إن دي حاجة كويسة هو عملها لك بتبقي عايزة تتمسكي بيها وتحافظي عليها مع إن ده ما ينفعش أصلا اننا نصنفه ونقول عليه حاجة كويسة أو حاجة جميلة لان مفروض ان دة يكون الطبيعي بتاع الناس كلها ولكن بالنسبة لك لان سقف توقعاتك وقع أصلا فبقيتي بترضي بأقل القليل على امل ان الكويس مصيره حييجي بعدين
وهنا دكتور راماني بتقول مثال على رابطة الصدمة بتوضحها عن طريق مقارنة بمكنة القمار إللي الناس بتفضل تحط فيها الفلوس والمكنة تاخد فلوس وماتديهمش حاجة وهما برضو بيفضلوا يحطوا أكتر رغم إنهم بيخسروا فليه بيكملوا لعب برغم من الخسارات المتتالية ، هما بيفضلو يلعبو لإنهم متخيلين إن في لحظة ممكن يكسبوا فيها الجايزة الكبيرة ال1,000,000 دولار مثلا وحياتهم كلها هتتغير طبعا ، وفي العلاقة النرجسية الجايزة الكبيرة إللي الضحية بتدور عليها و مستنياها إن النرجسي يبقى فجأة حنون ومتعاطف ويحس بيها ويحس بحبها ويحس بوجعها و ويبقى مساند ويبقى راجل ويطبطب عليها ويديها إللي هي عايزاه وما يحرمهاش ويبطل بخل عليها ويبقى الراجل إللي عرفته في الأول خالص في بداية الزواج إن حياتها تبقى كلها مرحلة الحب الذهبية كمان سبب يخليكي تفضلي تحطي فلوس في مكانة قمار بتاخد الفلوس ما تدكيش حاجة إنه بعد ما فضلتي تحطي تحطي تحطي عمالة تدي طول الوقت فنيتي وقتك وعمرك وحطيتي كل إللي معاكي فإنتي لسه متمسكة وعندك أمل تكسبي ومستخسرة كل اللي حطيتيه دة تسيبيه وتمشي ، دة غير انك كمان خايفة إن إللي حييجي يجرب المكنة بعدك هيكسب وهياخد كل الفلوس إللي إنتي حطيتيها ، إنتي مش بترضي تمشي عشان إللي هتيجي بعدك هتاخد النسخة الحلوة من النرجسي إللي إنتي مش عارفة تاخديها لكن الحقيقة المرة إن لا هي ولا ألف واحدة بعدك هتاخد منه نسخة حلوة إطلاقا ، ليه لإن هو أصلا ما عندوش نسخة حلوة المشكلة الكبيرة إللي بتفضل في دماغك إنه النسخة بتاعة المرحلة الأولانية مرحلة الحب الذهبية ديحقيقية ، لا اطلاقا دي نسخة مزيفة دي زي ما بيقولوا كده اسطوانة مشروخة دي حاجة كانت مصطنعة واتعملت عشان تقعي في الفخ بعد ما وقعتي في الفخ غالبا مش بتشوفيها تاني هي مرحلة وعدت وخلصت امتى تشوفيها تاني أما تقولي له لأ باي باي بقى خلاص كده كفاية النهاردة مروحين خلاص قفلنا الدكانة خلاص بقى روح عند مامتك في الحالة دي بس ممكن تشوفي مرحلة الحب الذهبية ، أو حاجة كمان إنك تدخلي المحاكم تحبسيه بالقايمة تحبسيه إنه خطف أولادك او ضربك وعملتي له محضر وهيتحبس في الحالات دي برضه ممكن تشوفي حب أكبر من مرحلة الحب الذهبية ليه عشان تتنازلي عن القضايا وترجعي ويتمكن منك تاني ففي كل الأحوال حتى المرحلة لما بتتكرر فهي مش حقيقية هي مجرد قناع بيلبسهولك عشان يجيبك وبعد كده يعرف يعمل فيك إللي هو عايزه
الشبه بين مكنة القمار والنرجسي انها بتفضل تديكي جوايز صغيرة وتعشمك انك حتكسبي الجايزة الكبيرة وبالرغم ان دة واحد في المليون ممكن يحصل في القمار الا انه مستحيل يتحقق في العلاقة مع النرجسي وبالرغم من ان مكنة القمار مش حتشتمك ولا تهينك ولا تزعق في وشك الا ان النرجسي بيعمل دة وانتي برضه بيكون لسة عندك امل في الجايزة الكبيرة
الجايزة الكبيرة دي موجودة جواكي انتي الجايزة الكبيرة انك تعرفي نفسك وتعرفي انتي ادا ايه قلبك حنون ونقي واد أيه انتي تستحقي احسن من كدة بكتير واد أي انتي تقدري تدي نفسك وتساعديها وتسانديها عشان هي تستحق دة
الجايزة الكبيرة انك تنجحي بنفسك وباعتمادك على ربنا في انك تكملي حياتك بشكل سوي مع اولادك وتجنبي النرجسي منها سواء مكملة معاه ولا لا ، الجايزة الكبيرة انك تستغني بربك وبنفسك عن الناس وعن النرجسي ، وانك تقربي من اولادك وتطلعيهم اسوياء وتحطي فيهم فلوسك بدل ماتحطيها في مكنة القمار ، مجهودك ووقتك وحبك وروحك استثمريهم في أولادك وفي نفسك ....الباقي في اول تعليق
#صحةـنفسية #القوة #الاكتئاب #النرجسي #النرجسية
Негізгі бет وجه الشبه بين علاقتك مع النرجسي ولعب القمار
Пікірлер: 82