მორგან, მორგან მოიცა, ორგან ნუ ხარ - ყალბია ! აი, ცაც ჩამოიქცა. აჰა უკვე გარბიან. გარბიან და მყისიერ, სხვა დალანდეს კარები, თვალებს ნუ დაისიებ აქ არ შეგიყვარებენ. ეგ თეატრი დაიწვა, ნაცარია გაეშვი ! ჰაერს მოგცემ დაიცა, იფრინე და ჰაერში, ფანტე ლურჯი ფანტელი, ცამდე გწამდეს - გტკიოდეს რა დაკარგე ამდენი?! მთელი ღამე კიოდი. გესეოდნენ მწერები, ბგერები და მორფია, მთელი ეს ნაწერები ძარღვებში რომ მორბიან. ქანაანის კიდემდე მიდი, ნახე აისი. განა ხელს მოგკიდებენ, სანამ ღრმად არ დაისმევ. ყელს ქვევით ან მაჯებზე, ღამეც საკაპილარე... ტანი გეწვის ქაჯებზე ფეხზე "კატერპილარი" გაცვია და ვერ ძღები (დილით) მონოემბროა, მერე ფიქრობ... კვერცხები, სისხლია თუ ენდროა. მორგან ჭიქა არაყი ზღვის ნაპირმონატრებულს მორგან მაგას არ აყვე ! გამოფსიქიატრებულს. ის ამინდი დამალეს ახლა სხვა ამინდია, მაშინ ფსიქო ანალიზს ვიღაც დიხამინჯია... გიდგენდა და, დადგინდა. რაც დადგინდა კი ვიცით... ეგ ფურცლები რად გინდა?! წამო რამეს მივეცეთ. მორგან, მორგან მოიცა ორგან ნუ ხარ ყალბია. აი ცაც ჩამოიქცა, ნახე უკვე გარბიან... გარბიან და მყისიერ, სხვა დალანდეს კარები, თვალებს ნუ დაისიებ თუ არ შეგიყვარებენ. დეკემბრის დღე კლებადი. ცა, რუხი და - მოსერო იმათაც რა ებადათ? ბეთლემი და ბოსელი. დღე იქიდან - აქამდე ვიღაცისთვის კრახია. მორგან ან აქ გაქვავდი, ან ეგ დასკვნა დახიე ! წყალში თუ ხარ მხრებამდე, მხრები გაქვს და მოუსვი. ზურგს უკან, რომ ყეფავდნენ იმათ მერეც მოუსმენ. მიდი ნახე მარხილი, თუ წაგექცა ურემი. ექიმებიც ამხილე ნემსებით, რომ ურევენ ცივ ლოგინზე დაბმულებს, ორთავ ხელფეხიანად. სადაც სულის გაბმული კივილი და, ღრიალი გამუდმებით მოისმის, მერე ბოლოს მღერიან. მორგან ქრისტე მოიცვი, მორგან თავს მოერიე. მორგან ჭიქა არაყი ზღვის ნაპირმონატრებულს, მორგან მაგას არ აყვე ! გამოფსიქიატრებულს. მორგან, მორგან მოიცა ორგან ნუ ხარ - ყალბია აი ცაც ჩამოიქცა, ნახე უკვე გარბიან... გარბიან და მყისიერ, სხვა დალანდეს კარები, თვალებს ნუ დაისიებ აქ არ შეგიყვარებენ.
Пікірлер: 42