احواض ذاتيه التنظيف
ازيكم مين فينا مبيحلمش بحوض بينظف نفسه بنفسه او بحوض مشاكله قليله النهرده هقلكم علي سر ازاي تخلي الحوض بتاعك متوازن و تحافظ عليه سليم و متحتاجش تنظفه كتير أنا اسامة و دا سمك في ميه يلا نبدأ الحلقة
أولا الدورة البيلولوجيه :
طول ما الدورة البيولوجيه عندك سليمة في الحوض فأنت كده حققت جزء كبير جدا من فكرة الحوض المستقر و طول ما في ميديا في الحوض او في الفلتر عندك بتساعد علي نمو و انتشار و الحفاظ علي البكتريا النافعة . و لو متعرفش يعني ايه دورة بيولوجيه انصحك تتفرج علي الحلقة الي هتظهر فوق هنا دي الي اتكلمت فيها عن الدورة البيولوجيه بإستفاضة
ثانيا نظام فلترة قوي:
الفتر هو ثاني اهم عامل في الموضوع دا و كل ما وفرت فلتر قوي يساعدك علي رفع اكبر قدر من المخلفات في الحوض و كمان علي فلترة المية بتاعة الحوض فأنت كده كمان ريحت بالك جدا من تغيير الميه و كل ما كان الفلتر مناسب لنوع الحوض و الاسماك الي فيه كان أفضل و أفضل نوع فلتر لكل أحواض السمك هو الفلتر الخارجي بلا منافس الصراحة انا عن نفسي بنظفه كل شهر تقريبا
ثالث حاجة الاسماك نفسها:
كلنا بيبقي نفسنا نحط اكبر عدد ممكن للأسماك في الحوض و دا للأسف بيعكر المية بشكل كبير خصوصا لو الفلترة عندك مش قوية و مش مناسبة لنوع و عدد الاسماك الي في الحوض علشان كده عدد الاسماك و نوعها مهم جدا في منظومة الحوض ذاتي التنظيف يعني كل ما عدد الاسماك كان اقل و مخلفاتها كانت اقل فدا بيساعد علي الحفاظ علي نظافة المية اطول فترة ممكنة
و كمان مننساش هنا دور الاسماك الخدمية في الموضوع لأنها مهمة جدا في أكل الطحالب او بواقي الاكل الزيادة في الحوض و حاول ان يبقي في عندك اكتر من نوع و اكتر من سمكة خدمية في الحوض و دا هيوفر عليك كتير جدا في أستقرار الحوض .
رابع حاجة الملحقات
الملحقات هنا اقصد بيها حاجات مش أساسية في حوض السمك بس لو ركبتها هتسهل عليك جدا منظومة الحوض ذاتي التنضيف
زي مثلا تايمر الاضائة سعره مش غالي بيبتدي من 50-60 جنيه لحد 250 للديجيتال منه و لكن بيوفر عليك انك تظبط عدد ساعات الاضائة في الحوض بتاعك و خصوصا لو الحوض مزروع لأن عدد ساعات الاضائة الزيادة بيخلي الطحالب تنموا في الحوض دا غير انه بيرهق الاسماك و النباتات كمان
و تاني ملحق هو الاكالة الاتوماتيك ميزتها انك تقدر تحدد عدد الوجبات و كميتها في المرة الواحدة و كمان هتساعدك لو مسافر او مش موجود في البيت انها تقوم بموضوع تأكيل الاسماك عندك في المعاد المحدد و دي حاجة مهمة طبعا
خامس حاجة النباتات:
الاحواض المزروعة من افضل و انجح الاحواض ذاتيه التنظيف لأن النباتات بتتغذي علي فضالات الاسماك و النباتات بتطلع الاوكسوجين المهم طبعا لحياة الاسماك و باقي الكائنات في الحوض دا غير ان الاسماك كمان ممكن تتغذي علي النباتات الموجوده في الحوض لو جاعت
طيب لو الحوض بتاعك حوض مونيستر او مش نافع تزرعه الموضوع بسيط حاول تعمل اي نوع زراعة في الحوض من برا سواء في الفلتر او علي سطح الحوض دا هيقلل جدا نسبة الامونيا في الحوض و البكتريا الي بتنموا في جزور النباتات مفيدة جدا للأسماك و ميه الحوض هيا أنسب ميه ري للنباتات فو انت من محبي الزراعة المنزليه زي حالاتي كده انصحك انك تروي نباتاتك بميه الحوض لأن فيها عناصر كتير مفيده للنبات
دي تقريبا اهم الحاجات الي محتاجها علشان تعمل حوض ذاتي التنظيف او حوض مستقر لأطول فترة ممكنة
لكن مننساش ان دا ميغنيش و ميمنعش ابدا ان لازم يكون في تغيير ميه أسبوعي ممكن مع النظام دا يطول شويه فترة تغيير الميه لو انت كسول كده زي حالاتي بس كمان ناخد بالنا لو في اي أسماك ميته في الحوض تتشال في الحال لو في نباتات ميته كمان تتشال لو لاحظت اي تغير في لون الميه او نقائها اتأكد من الفلتر كويس و من الدورة البيولوجيه الموضوع مش سهل بس حاولت في الحلقة دي اني ابسطها عليك شويه
لو عجبتك الحلقة دي متنساش تعمل 3 حاجات لايك سبسكريب و شير و متنساش تفعل الجرس علشان يجيلك دايما كل جديد
سعيد انكم بتابعوني و انا أسامة و دا سمك في ميه سلام
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع
Негізгі бет إزاي تخلي حوضك ينضف نفسه - حوض ذاتي التنظيف
No video
Пікірлер: 63