إزي تخلي سمكة الجولد فيش تعيش 15 سنة؟
تعرف ان سمكة الجولد فيش ممكن تعيش لحد 43 سنة!
لكن للأسف سمكة الجولد فيش مبتعيش حتي ل ربع الرقم دا دا لو كملت عندك 5 سنين تبقي حد جامد
الجولد فيش ممكن تعيش عندك لمده 15 سنة زي قطتك او كلبك و يمكن أكتر
طيب ليه الجولد فيش بتموت مني بسرعة ؟
كل دا هنعرفه النهرده و قبل ما نبدأ الحلقة لو بتتفرج علينا لأول مرة متنساش تعمل ليك و سب سكرايب ويلا نبدا الحلقة
أنا اسامة و دا سمك في ميه
أكبر سبب في موت سمكة الجولد فيش في الاحواض هو الفضالات
فضالات الاسماك بتحتوي علي كميه كبيره جدا من السموم زي الامونيا الي بتحرق خياشيم السمك و تدمر مخها
في الطبيعة الفاضالات مش مشكله لأنها بتعيش في أنهار مفتوحه و مياه جارية دا غير ان في جيوش من البكتريا النافعة في الميه دي
و الي بتدورها بتساعد علي تحويل الفضالات دي لمواد كيميائية اقل ضرر و في نباتات و طحالب بتتغذا علي المواد دي
لكن في الحوض عندك مفيش البكتريا دي او لو موجوده فهي بكمية بسيطة جدا
علشان كده اهم حاجة انك تزودها في الحوض بنفسك
و اكبر غلط بيموت الجولد فيش انك بتشتري الحوض و السمك في نفس اليوم
طيب ازاي ازود البكتريا النافعة في الحوض عندي؟
أولا تربيه البكتريا النافعة و تكاثرها في الاحواض الجديده محتاج منك الصبر
ثاني حاجة محتاج انك تشيل الكلور من الميه ميه الحنفيه بيكون مضاف ليها الكلور او الكلورامين و بيتحط في الميه علشان يقلتل كل انواع البكتريا و يطهرها علشان نقدر نشربها و احنا مطمنين و كميه الكلور دي مش بتأثر علي الانسان لكن بالنسبة للسمك قاتله
علشان كده لازم تضيف مزيل للكلور من شركة معروفة بنسبه معينة أو انك تخزن الميه لمده 48 ساعة في وعاء مفتوح علشان الكلور يطير منعا
ثالث حاجة و هي انك توفر بيوت للبكتريا دي اماكن تقدر تتكاثر فيها زي الفلتر الاسفنجي الجرش الديكورات الطبيعية من الفخار النقي او الفلتر و دي بنسميهم فلاتر بيولوجيه بتضيف كميه بسيطة من اكل السمك و تسيبه يتحلل و بتشغل الحوض لمده من 3 أسابيع لشهر و نص بدون أسماك لحد ما الميه تروق و تبقي صافيه تماما
و ممكن تسهل علي نفسك شويه بأنك تشتري بكتريا جاهزه مصنعة معمليا من شركات معروفة زي سيرا تيترا و شركات كتير عالميه أو شركات مصريه زي شيلد و نايل تانك و تستعملها علي حسب التعليمات المكتوبه علي العبوة
بعد كده ممكن تتأكد من معدل الأمونيا عندك في الحوض عن طريق بعض التحليلات لنسبة الامونيا في الميه بتتباع في محلات الاسماك المتخصصة
خلاص كده لا مش خلاص طبعا
لو عندك كل بكتريا النافعة في العالم مش هتعيش الجولد فيش لو الحوض صغير عليها
لأن زي ما البكتريا دي بتتغذا علي فضالات الأسماك زي ما هي كمان بتطلع فضالات فلازم نتخلض من الفضلات دي بشكل تاني
البوله او البلورة او اي وعاء مدور سعة 5 لتر هو غير مناسب نهائي للأسماك عموما و حتي الحوض ال20 ولا ال30 سم الي بتشوفه في المحل و مليان سمك مش كفاية سمكة الجولد فيش بتحتاج 2 ضعف جمها لترات ميه يعني لو عندنا سمكة حجمها 5 سم بتحتاج 10 لتر ميه علشان تعيش كوس فمبالك بقي لو هتربي 10 سمكات 5 سم يعني محتاج لحوض سعة 100 لتر ميه بالظبط كده
طيب خلاص يا عم جبت الحوض ال100 لتر و ربيت البكتريا و ركبت الفلتر و كل الكلام دا ها هتعيش معيا كده
لسة انت مستعجل ليه
تعالي اقلك لازم كمان تعمل حاجة تاني علشان تقلل الفضالات و هي تعتبر اهم حاجة لازم تعملها في الحوض بعد كده و هي التغيير الاسبوعي لميه الحوض بتغير 30 % بس من مياه الحوض بمياه من غير كلور 30 في الميه بس مش ميه الحوض كله علشان كده يبقي انت رميت البكتريا الي بقالك شهر عمال تربي فيها و متطلعش السمك من الحوض سيبه و أسحب الميه بخرطوم او بمكنسة الجرش
و دا هيساعد علي ان أسماكك تكبر بسرعة و توصل لأحجام كبيرة في وقت قليل
بس كده لو عملت كل الحاجات دي مش هيفضل غير حاجة واحدة و هي أهتمامك بالسمكة و مراقبتك ليها
هتأكلها أكل مخصص للجولد فيش و ابعد عن الاكل الملون الي بيدهولك محل السمك الحبوب الحمرة و الخضراء و ليه اسماء كتير زي روز و فيش فود دا كله ألوان صناعية و تأكل مرة او مرتين في اليوم بكميه بسيطة تخلص في 5 دقائق
تابع أسماكك بأستمرار و لاحط حركتعا علشان من الصعب أنك تعرف لو في غلط ما في الحوض زي
جوده الميه أغلب مربيين الأسماك الجداد مبيعرفوش لو في مشكله في الحوض إلا بعد موت الاسماك و يكون في مرض أنتشر في الحوض زي النقط البيضاء أو تآكل الزعانف او الالتهابات الفطريه علشان كده راقب الأسماك و الحوض لون الميه يفرق ريحة الميه تفرق
الموضوع يبان انه مرهق بس صدقني مفيش امتع من قعدتك قدام الحوض و انت بتتفرج علي أسماكك و هي بتعوم و بتكبر و بتاكل من ايدك كمان
و هتلاقي في اخر الحلقة بلاي ليست للمبتدأين فيها شرح بتفاصيل أكتر عن ازاي تربي سمك في ميه
بتمنالكم السعادة و لو عندك أي أسئلة أكتبهالي في الكومينت أو ابعتلي علي رسائل صفحة الفيس بوك و أنستجرام
و متنساش تعمل 3 حاجات لايك شير سب سكرايب و تفعل الجرس علشان يوصلك كل جديد
و انا أسامة و دا سمك في ميه سلاااااااااااااااااااام
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع
Негізгі бет إزي تخلي سمكة الجولد فيش تعيش 15 سنة؟
Пікірлер: 23