#киноәлемі #киношолу #казакшакино
ЕР АДАМ АЙДАЛАДА ҮЛКЕН АЛТЫНДЫ БІРНЕШЕ КҮН БОЙЫ КҮЗЕТЕДІ | КИНО ӘЛЕМІ КИНО ШОЛУ КИНО АЙТУШЫ Кино Әлемі / Кино Шолу / Кыска шолу
Фильм: Жажда Золота (2022)
Фильмнің оқиғасы жақын болашақты баяндайды. Жаһандық соғыстың кесірінен цивилизация жойылып кетуге шақ қалып тұр. Басты кейіпкер жүк пойызынан шөл даладағы әлдебір станцияға түсіп қалады. Жолсерік болып жасайтын кісі оны ескі пикапымен бірнеше шақырым жердегі шахтерлардың мекеніне апарамын деп уәде берген. Түнде жолаушылар демалуға тоқтап от жағады. Жүргізуші кейіпкерден айдалада не шаруамен жүргенін сұрайды. Сонда жігіт қалтасынан шимайланған жарнама қағазын шығарып жұмыс іздеп келгенін айтады. Буклетте 4 айдың ішінде жақсы өмір сүруге жететін көп ақша табуға мүмкіндік бар екені жазылған. Жолсерік мұның жалған екенін айтады. Бұндай нашар орында жақсы жұмыстың болмайтынын, ал жарнама қағазында адамдарды қызықтыру үшін әсірелеп жазылған деп есептейді.
Ертесіне рөлге жігіттің өзі отырады. Жүргізуші демалып жатқанда ыстық болған соң қосуға тыйым салған желдеткішті іске қосып, артынша көліктің қозғалтқышы қайнап кетеді. Иесі пикапты жөндеп әлектеніп жатқанда кейіпкер иен далаға көз салып қарайды. Бір кезде үйіліп жатқан тастарды байқап сонда барады. Міне қызық! Арасында алтын түстес металл жатыр. Жолдасын шақырып, ол от жаққышпен жандырып көреді де, шынымен бағалы зат екенін біледі. Олар дереу қаза жөнеледі. Металл өте үлкен болып шығады. Алтынды көлікпен тартып та көреді. Бірақ арқаны 2 рет үзіліп мұрша бермейді. Екеуі отын жинап осында түнеуді шешті. Себебі от оларды жабайы иттерден қорғамақ. Жолсерік экскаватор әкелу керек дейді. Ол үшін 4-5 күн кетеді және істі құпия түрде тындыру үшін сенімді адам табу керек. Ендігі мәселе: кім қазынаны күзетіп қалады, қайсысы көмек әкелуге кетеді?
Жүргізушінің ойынша, жолаушының жалғыз өзі мидай далада тірі қалмайды. Ас пен су өте аз. Жан-жақта жабайы жануарлар қаптап жүр. Бұл жерден көлік те жүрмейді. Жүрсе де, өзгелер бұл байлықты көрсе тартып алары сөзсіз. Дегенмен жігіт өзі қаламын деп шешеді.
Негізгі бет Фильм және анимация ЕР АДАМ АЙДАЛАДА ҮЛКЕН АЛТЫНДЫ БІРНЕШЕ КҮН БОЙЫ КҮЗЕТЕДІ | КИНО ӘЛЕМІ КИНО ШОЛУ КИНО АЙТУШЫ
Пікірлер: 27