#Ghazal #Zahid_Azmi #Nishat_E_Gham
Koi ne Dil Se Gulistaan K Har Phool Ko..by:Habeeb Ur Rahman Zahid Azmi Oomeri
غزل۔۔۔از : مولانا حبیب الرحمن زاہد اعظمی عمری رحمہ اللہ
آواز: حافط شیخ عبید اللہ ورنگل ،متعلم جامعہ دارالسلام عمرآباد
پیش کش: شیخ اسماعیل افضل،حیدرآباد، سید ظہیر دانش عمری کڈپہ
خونِ دل سے گلستاں کے ہر پھول کو، ہم نے سینچا بہت اور سنوارا بہت
ہم سے ناراض ہے کس لیے باغباں، اس چمن پر تو حق ہے ہمارا بہت
آرزوؤں کی شمعیں تو سب بجھ چکیں، رہ گئی ہے بس امید کی روشنی
ڈوبنے والے مجبور انسان کو ، ایک تنکے کا بھی ہے سہارا بہت
مجھ کو غم دینے والے ترا شکریہ! غم نے بخشا ہے دل کو بڑا حوصلہ
تجھ سے خوشیوں کی سوغات کیا مانگتا، تیرا غم بھی ہے اے دوست پیارا بہت
دل کی گہرائیوں سے ہے چاہا تمھیں ،بھول کر بھی تمھیں بھول سکتا نہیں
رنج ِ فرقت سہی، کچھ تو بخشا گیا ، دل سے ممنون ہوں میں تمھارا بہت
آرزوئیں مری خاک میں مل گئیں ، دل کی دنیا بھی زیر وزبر ہوگئی
ساری خوشیوں کو میری بہالے گیا ، تیزتھا دوستو! غم کا دھارا بہت
غم کسی کا ہے سرمایۂ زندگی، زندگی میں اسی سے ہے تابندگی
غم کو سینے سے زاہدؔ! لگاتے نہ کیوں، غم نے ہے زندگی کو نکھارا بہت
شعری مجموعہ : نشاط غم ، صفحہ : 110
ناشر: تحقیقات اسلامی،جامعہ دارالسلام عمرآباد،تمل ناڈو…… سن اشاعت:مئی2018
Негізгі бет Koi ne Dil Se Gulistaan K Har Phool Ko..by:Habeeb Ur Rahman Zahid Azmi Oomeri
No video
Пікірлер: 22