كل سنة وانتم طيبين وعيد سعيد عليكم.. ودعنا شهر رمضان ربنا يعيده عليكم بالخير والبركة، واستقبلنا العيد بكل أمل، وتفاؤل، وفرحة..المصريين..بعد اذن السيسي ووزير الأوقاف ..نزلوا لأداء صلاة العيد ..، والحمد لله عدت على خير ، وربنا سترها ومحصلش براكين وزلازل، ومطلعش من تحت الارض ديناصورات وتنانين مجنحة والأمن مستتب..
هوبا لقينالكم فشاخة الريس في وشنا على غيار الريق من صباحية ربنا!
نزل يصلي العيد هو كمان.. مافيش مشاكل معذور.. الراجل بقاله ٣٠ يوم محبوس و ماصدق يتفك..
هو بس انا لاحظت ان سيادة الريس كان بيفرح قوي كل مايسمع المصلين بيقولوا ”و هزم الأحزاب وحده“.. مصيبة لتكون فاكرهم يقصدوك انت.. مش الأحزاب دي ياريس..!
خلص صلاة و قلنا خلاص هايروح.. لا يروح فين؟.. لسة بدري..
ايه يا عم خير؟.. انت مازهقتش مننا؟.. ماسكنا هبد و عزق و كدب ٣٠ يوم.. و جايلنا أول يوم العيد تعملنا امتحان مفاجئ في مسلسل الاختيار؟ يا عم ده عيد!
لا ماليش فيه!.. لا عيد ولا بطيخ.. كله يقفلي انتباه هنا دلوقت حالا.. و القنوات كلها.. يجي ١٠ قنوات.. وقفوا كل حاجة و ادوها بث مباشر مفتوح لغاية ما ازهق من الحديدة..
و الفنانين بتوع الاختيار ييجوا يترصصوا قدامي هنا عشان اكرمهم و افرج الناس عليهم.. بس مش كل الفنانين.. اللي مثلوا أدوار الإخوان اخفوهوملي قسريا.. انا هاكرم اللي عملوا أدوار الدولة العميقة بس.. مش عاوزين حد يفتكر لا الإخوان ولا حتى الممثلين اللي مثلوا أدوارهم.. ماتبوظولناش الطبخة!
جاهزين؟.. تعالوا بقى عشان اكلمكم في موضوع مهم جدا.. و احكيلكم قد ايه انا كنت جامد قوي قصاد الإخوان من أكتر من تامااان سنين..
ياسطى احنا في عيد و أجازة.. و البنوك هاتقفلها ييجي أسبوع. و الدولار هايستفرد بالجنيه جوة و هايجيب منه عيال!! مش وقته ربنا يهدك!
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الأسبوع ف كيس}(305) العيد بلحة.. ياسالااام!
Пікірлер: 701