#Murisanga kw’Ijwi ry’Amerika iragaruka kuri amwe mu mateka y’u #Rwanda yaremereye bamwe mu banyarwanda. Tuzabagezaho urukurikirane rw’ibiganiro kuri ayo mateka. Indandaro y’ibi biganiro ni ubushake Ijwi ry’Amerika ryagize bwo guhuza abanyarwanda. Iyo umuntu asubije amaso inyuma mu byaranze u Rwanda, asanga harabayeho umuco wo guhishira ibyabaye, no kwimakaza ikinamico, n’ikinyoma. Kigahinduka umuco karande mu mibereho y’abanyarwanda. Reka tubahe ingero nkeya z’ibyaranze amateka y’Abanyarwanda, bitavuzwe, bitatangajwe uko byabaye.
Mu mateka ya kera: Kudeta ya ko #Rucunshu mu mwaka w’1897, gukurwa ku butegetsi kwa #Musinga no kumuca mu Rwanda mu 1931, akajyanwa i Kamembe akahava ajya i #Moba mu burasirazuba bwa #Kongo, impinduramatwara (revolusiyo) yo muri 1959 yatumye ubwami busezererwa bugasimburwa na Repubulika muri 1961, kudeta yo muri 1973 yakuyeho Repubulika ya mbere igasimburwa n’iya kabiri, intambara ya ruhekura yagabwe n’ingabo z’inyeshamaba za #FPR tariki ya 1/10/1990, ubwicanyi bwajyanye na yo, itsembatsemba muri 1994, jenoside yakorewe abatutsi muri 1994, ubwicanyi bwibasiye abanyarwanda muri Kongo guhera muri za 1996, n’ibindi n’ibindi.
Icyashyizwe imbere ni ikinyoma ku byabaye. Inkurikizi ni iyihe? Ni ubushyamirane. Ni ukutoroherana. Ni uguhangana bidashira hagati y’abanyarwanda. Muri make, ni ukutabasha kwiyunga bya nyakuri.
Ku banyarwanda bamwe, hari aho bagera bakumva ari nk’amayobera aba ku banyarwanda gusa. Ku bandi ni amateka atarigeze amenyakana, kandi atagomba kugarukwaho. Ku bandi, bitewe n’icyiciro barimo, ni umubabaro batazigera bashira. Ikita rusange kuri abo banyarwanda n’abakurikiranira hafi amateka y’u Rwanda ni ikihe? Ni ukutavuga rumwe. Ni ukujya impaka z’urudaca. Nta munyarwanda n’umwe ubifitemo inyungu, n’ubwo bamwe ari byo baba batekereza kw’ikubitiro. Ahubwo bose babihomberamo, kuko bahora muri politiki ya ndamuke.
Icyo kw’Ijwi ry’Amerika tugamije ni ukumva buri wese, buri ruhande. Ni ukuganira no kumenyana kurushaho. Intangiriro y’ibiganiro byacu irahera kuri kudeta yabaye muri 1973. Hashize imyaka 47, habaye ihinduka ry’ubutegetsi. Hari ku itariki ya 5 Nyakanga 1973. Uwari Perezida Gerigori #Kayibanda, wasimbuwe na Yuvenali #Habyarimana. Icyo gihe ni we wari minisitri w’ingabo.
Mu batumire b’ingenzi b’igice cya mbere harimo Colonel Laurent #Serubuga, Colonel Aloys #Simba, Colonel Canisius #Gasake na Jean Marie Vianey #Nkezabera
Негізгі бет #Murisanga
No video
Пікірлер: 10