Kalam: Janab Hafeez Taib
Voice: Najeeb ur Rehman Naz
#NajeebNaz
کلام: جناب حفیظ تائب رحمة اللہ علیہ
آواز و پیشکش: نجیب الرحمٰن ناز
نبی کو مظہرِ شانِ خدا کہیے، بجا کہیے
شہ عالم، امام انبیاء کہیے، بجا کہیے
دوعالم جن کے جلووں کی ضیا پاشی سے روشن ہیں
انہیں شمس الضحیٰ بدرالدجیٰ کہیے، بجا کہیے
ہوئی تکمیل جن کی ذات پر ہر خیر و برکت کی
انہیں خیر البشرؐ خیر الوریٰ کہیے، بجا کہیے
لقب ہیں رحمة للعالمیں ختم الرسل جن کے
انہیں لطفِ خدا کی انتہا کہیے، بجا کہیے
غریبوں کی جو ثروت ہیں، ضعیفوں کی جو قوت ہیں
انہیں عالم کے ہر دکھ کی دوا کہیے، بجا کہیے
مری تسکیں، مری بخشش، مری توقیر کے ضامن
محمدﷺ ہیں محمدﷺ برملا کہیے، بجا کہیے
نبی کے ہر سخن میں ہے جھلک وحیِ الٰہی کی
حدیثِ مصطفیٰ پر مرحبا کہیے، بجا کہیے
سرِ تسلیم خم کیجے نبیؐ کے حکم پر تائبؔ
نبیؐ کے نام پر صلِ علیٰ کہیے، بجا کہیے
Негізгі бет Музыка Nabi Ko Mazhar e Shan e Khuda Kahiye | نبی کو مظہر شان خدا کہیے | Complete Naat by Great Hafeez Taib
Пікірлер: 13