Geguritan
DUKUH SILADERI
1 PUPUH GINADA LINGGAR PETAK
RASA WAREG TAN PANEDA
BUNGAH TAN PANGANGGO YUKTI
SAPUNIKA MANAH TITIANG
SIDA TANGKIL MANGEREMUG
NGONJAKAN SEDAGING SASTRA
KATUR GURIT
DUKUH SILADRI CARITA
2 PUPUH GINADA DASAR
WENTEN REKE KATUTURAN
KOCAP WONG SAKING MAMELING
WIT MANGJADMA SARENG DADUA
I SILADRI ARAN IPUN
MADE KERTI NE CERIKAN
LINTANG LUWIH
TUARA TAEN MAJENGILAN
3 PUPUH SINOM DASAR
I SILADRI ALON NGUCAP
CAI KERTI ADIN BELI
ANE JANI BELI MAMINDAH
PACANG MENGALAHIN CAI
BOYA BELI SAKING LALIS
NGALAHIN CAI KAGUNUNG
BUAT MALAJAHANG AWAK
MANGDA SIDA BELI UNING
TEKEN PATUT
TINGKAHE NUMADI JADMA
4 PUPUH SINOM UWUG PAYANGAN
BELI BELOG JERIH PISAN
PACANG MIYEGAN RING CAI
KERANANYA BELI NGALAH
NANGING BELI SAKENG ASIH
EDA CAI SALAH TAMPI
MENGADEN BELI MENGAMBUL
SETINGKAHE BELI LUWAS
KAGUNUNG KAWI ANE JANI
ENTO KASUB
PASRAMAN EMPU DIBYAJA
5 PUPUH SINOM DASAR
NE SEADANYA JUMAH
TETAMIANE GISI BELI
CARIK KATEKANING KARANG
SERAHANG BELI RING CAI
BELI MENGALAHIN CAI
PRAGAT TUARA PACANG MANTUK
MADE KERTI MADINGEHANG
NGEPES YEH MATANE MIJIL
DADI NGUNTUK
NEK TONG DADI MANGUCAP
6 PUPUH SINOM UWUG PAYANGAN
NE LUH PADA MANINGEHANG
SIGSIGAN PADA MANGELING
SAMBILANG MANYONYOIN PIANAK
I MADE KERTI MAMUNYI
TITYANG BOYA MAMITETIN
PEKAYUNAN BELINE PATUT
NANGINGKE PANGIDIH TITYANG
I CENING TITIANG NYILURIN
TULYA IPUN
BELI KARI IRING TITYANG
7 PUPUH GINADA DASAR
PIANAK TITIANG LUANA
BELI MASENTANA MUANI
PIANAK TITYANG BELI NYUANG
PIANAK BELI TITYANG NGUBUH
ULI JANI MEGEGELAN
APANG JATI
WEKAS METEMU DI KARMA
8 PUPUH SINOM LAWE
I SILADRI ALON NGUCAP
ADA BUNGKUNG NE AKATIH
JAGA SATRU TUWI SOCANYA
BELI MEKELIN I CENING
MANIAN YAN YA SUBA KELIH
TUTURANG BELI DI GUNUNG
NE JUA BUNGKUNGE BAANG
SING SAGET NELOKIN BELI
TUWI KA GUNUNG
BUNGKUNGE NYIHNAYANG PIANAK
Негізгі бет TEMBANG GUNTANG GEGURITAN BALI DUKUH SILADERI EPISODE 1 FULL
Пікірлер: 9