108 திவ்ய தேசங்கள்
திருவெள்ளரை
108 திவ்யதரிசனங்களுள் நான்காவது உள்ள திருக்கோவில் திருவெள்ளறை.
மூலவர் - புண்டரீகாட்சன். கிழக்கு நோக்கி நின்ற திருக்கோலம்.
உற்சவர் - செந்தாமரைக்கண்ணன்.
தாயார் - பங்கஜ செல்வி, செண்பகவல்லி.
தல மரம் - வில்வம்.
தீர்த்தம்: பொய்கை - மணிகர்ணிகா, சக்ர, புஷ்கல, வராக, கந்த, பத்மப் பொய்கை.
பாடியவர்கள் - திருமங்கை ஆழ்வார், பெரியாழ்வார்.
தலத்தின் பண்டைய பெயர்கள்: ஆதி திருவெள்ளறை, வேதகிரி.
ஊர்: திருவெள்ளரை
மாவட்டம்: திருச்சி
வரலாறு
கோயில் சுமார் 50 அடி உயரத்தில் வெண்மையான
பாறையால் ஆன ஒரு குன்றின் மீது இத்தலம்
"அமைந்துள்ளதால் வெள்ளறை 'என்ற பெயர்
பெற்று மரியாதை நிமித்தமாக "திருவெள்ளறை '
ஆனது. முன் கோபுரம் பூர்த்தியாகாத நிலையில்
உள்ளது.
புண்டரீகன் என்ற யோகி திருவெள்ளறையில் ஒரு
நந்தவனம் அமைத்து அதில் வளர்ந்த துளசியால்
பெருமாளையும் தாயாரையும் பூஜித்து வந்தார்.
இதில் மகிழ்ந்த பெருமாள் இவருக்கு தரிசனம்
கொடுத்தார். இதனாலேயே இங்குள்ள பெருமாள்
புண்டரீகாட்சப்பெருமாள் 'ஆனார்.
புண்டரீகாக்ஷன் - செந்தாமரைக் கண்ணன், நின்ற திருக்கோலம். கிழக்கு நோக்கிய திருமுகமண்டலம்.
செண்பகவல்லி என்கின்ற பங்கயச் செல்வி. தாயாருக்குத் தனிச் சன்னிதி உண்டு. தாயாரின் உற்சவமூர்த்திக்கு பங்கஜவல்லி என்ற திருநாமம்.
திவ்யகந்த, க்ஷீரபுஷ்கரிணிகள், மணிகர்ணிகா என்று ஏழு தீர்த்தங்கள் மதிலுக்குள்ளாகவே அமைந்துள்ளன.
விமலாக்ருதி விமானம்.
எங்குமில்லாத வகையில் இக்கோயிலில் உத்தராயண வாசல் என்றும் தட்சிணாயன வாசல் என்றும் இரண்டு வாசல்கள் உள்ளன. தை முதல் ஆனி வரை உத்தராயண வாசல் வழியாகவும், ஆனி முதல் மார்கழி வரை தட்சணாயன வாசல் வழியாகவும் கோயிலில் பெருமானைத் தரிசிக்கச் செல்ல வேண்டும்.
சிபிச்சக்கரவர்த்திக்கு ச்வேத வராகனாக (வெள்ளைப் பன்றி) பெருமாள் காட்சி தந்ததால் பெருமாளுக்கு ச்வேதபுரிநாதன் என்று பெயர் ஏற்பட்டதாக தலபுராண வரலாறு கூறுகிறது. இதன் காரணமாகவே இத்தலத்திற்கும் ஸ்வேதபுரி நட்சத்திரம் என்றும் பெயர் வந்தது.
சக்கரத்தாழ்வார், ஆண்டாள், உடையவர் இவர்களுக்குத் தனிச்சன்னிதிகள் உள்ளன. ஸ்ரீதேவி, பூதேவி, சூர்ய சந்திரர்கள், ஆதிசேசன் முதலியவர்கள் மனித உருவில் வந்து பக்கத்தில் நின்று கைங்கர்யம் செய்வது தனிச்சிறப்பு.
ஸ்ரீதேவி, பூதேவி, நீளாதேவி மூன்று நாச்சியார்களுக்கு மூன்று திவ்ய தேசங்கள் பெருமை. இதில் ஸ்ரீதேவி நாச்சியாருக்கு ‘திருவெள்ளரை’. தாயாருக்கு சிறப்பம்சம் உள்ள இவ்விடத்தில் அவரை வணங்கிய பின்னே இறைவன் சந்நதிக்கு செல்ல இயலும்.பல்லக்கு புறப்பாடு ஆகும்பொழுதும் தாயார் பல்லக்கு முன்செல்ல, மூலவர் பல்லக்கு அதை தொடர்ந்து செல்லும். மற்ற இடங்களில் பெருமாள் முன் செல்ல தாயார் பின்தொடர்வார் மங்களாசாசனம் தொகுப்பு
பெரியாழ்வார் மற்றும் திருமங்கையாழ்வார் மங்களாசாசனம் செய்துள்ளனர். மொத்தம் 24 பாசுரங்கள்.
திருவெள்ளறை அழகன் (பெரியாழ்வார் பாசுரம் 192 - காப்பிடல்)
இந்திரனோடு பரமன் ஈசனிமையவ ரெல்லாம், மந்திர மாமலர் கொண்டு மறைந்தவ ராய்வந்து நின்றார், சந்திரன் மாளிகைசேரும் சதுரர்கள் வெள்ளறை நின்றாய், அந்தியம் போதிது வாகும் அழகனே! காப்பிட வாராய்
தலத்தின் சிறப்புகள்
திருவரங்கத்தைவிடப் பழமையான திருத்தலம் என்பதால் ஆதித் திருவெள்ளரை எனப்படுகிறது.
பெருமாளைத் தரிசிக்க 18 படிகள் கடக்க வேண்டும். இவை பகவத் கீதையின் 18 அத்தியாயங்களைக் குறிப்பது.
அடுத்த கோபுர வாயிலில் உள்ள நான்கு படிகள் நான்கு வேதங்களைக் குறிக்கின்றன. பலிபீடத்துக்கு அடுத்துள்ள ஐந்து படிகள் பஞ்சபூதங்கள்.
செந்தாமரைக் கண்ணனைத் தரிசிக்க இரண்டு வழிகள் உள்ளன.
உத்தராயணம் (தை முதல் ஆனி வரை திறந்திருக்கும்.)
தட்சணாயணம் (ஆடி முதல் மார்கழி வரை.)
இரவில் நேரம் கழித்து வந்த பெருமாளைத் தாயார் ஏன் இவ்வளவு நேரம் என்று கேட்ட நாழி கேட்டான் வாசல் உண்டு ...!
இங்கு தாயாருக்கு முதல் உரிமை ...
சிபி சக்ரவர்த்திக்கு காட்சியளித்த பெருமாள்
திருச்சி, துறையூர் சாலையில் உள்ளது திருவெள்ளறை. இங்கு ஸ்ரீராமபிரானுக்கு ஏழு தலைமுறைக்கு முந்தைய சிபி சக்ரவர்த்தியால் கட்டப்பட்ட ‘ஸ்வேதகிரி’ எனப்படும் புண்டரீகாட்சப் பெருமாள் கோயில் உள்ளது. ஸ்ரீரங்கத்தைக் காட்டிலும் தொன்மையான தலம் என்பதால், ஆதிவெள்ளறை என்று கூறப்படுவதுண்டு. வெண்மையான பாறையால் ஆன தொன்மையான மலை எனப் பொருள்படும். அயோத்திக்கு அதிபதியாய் விளங்கிய சிபி சக்ரவர்த்தி, தனது படை பரிவாரங்களுடன் திருவெள்ளறையில் தங்கியிருந்தார். அங்கு தோன்றிய வெள்ளைப் பன்றியை(ஸ்வேத வராஹம்) துரத்த, அது பக்கத்தில் உள்ள புற்றில் சென்று மறைந்தது. இதைக்கண்டு சிபி ஆச்சர்யமுற்றார். அங்கேயே தவமிருந்து மார்க்கண்டேயரை அணுகி வினவ, அவர் சொற்படி பன்றி மறைந்த அப்புற்றுக்குப் பாலால் திருமஞ்சனம் செய்து வழிபட்டார். உடனே பெருமாள் சிபி சக்ரவர்த்திக்கும், மார்க்கண்டேயருக்கும் நின்ற திருக்கோலத்தில் காட்சியளித்தார். இதனாலேயே ‘ஸ்வதே வராஹத் துருவாய் தோன்றினான் வாழியே’ என்ற திருப்பெயரும் இப்பெருமாளுக்கு உண்டாயிற்று. ஸ்வேத வராகனாக(வெள்ளைப் பன்றி) பெருமாள் காட்சியளித்ததால், பெருமாளுக்கு ஸ்வேதபுரிநாதன் என்ற பெயர் ஏற்பட்டதாக தல புராணம் கூறுகிறது. எனவேதான் இத்தலத்துக்கு ஸ்வேதபுரி நட்சத்திரம் என்ற பெயர் வந்தது.
அமைவிடம் :
திருச்சியில் இருந்து துறையூர் செல்லும் வழியில் திருவெள்ளரை உள்ளது. திருச்சி சத்திரம் பேருந்து நிலையத்திலிருந்து துறையூர் செல்லும் அனைத்து பேருந்துகளும் திருவெள்ளரையில் நின்று செல்லும்.
நாச்சியார் கோயில் தரிசனம்
• கும்பகோணம் நாச்சியார் ...
கோயில் Google map link
maps.app.goo.g...
ஆலய அர்ச்சகர் தொலைபேசி எண்
+919865866968
if you want to support us via UPI id
9655896987@ybl
Join this channel to get access to perks:
/ @mathina
- தமிழ்
Негізгі бет திருவெள்ளரை பெருமாள் கோவில் | 108 திருப்பதியில் ஒரு தலம் | பிரார்த்தனையை உடனே நிறைவேற்றும் பலிபீடம்
No video
Пікірлер: 33